「唔執笠唔去幫襯」的迷思

近日香港很多事物都消失了，大家難免感到惋惜和不捨，但或許物極必反，現在開始出現一班人，不斷說人家「唔執笠唔去幫襯」之類，表面看來是「眾人皆醉我獨醒」，其實也只是受了某些KOL影響鸚鵡學舌而已。

好簡單，一場喪禮，出席者十之八九與死者並非經常見面，那些人會否走去鬧人「唔死都唔嚟憑弔」呢？出席多年不見的老同學老朋友的喪禮，難道也是罪？或者那些人撫心自問，他出席過的每個喪禮，是否都必定在一個月曾見過死者呢？

有些商店食肆，同屋企或工作地方相距極遠，當然不可能經常幫襯，但或者人生某些階段曾經在此留下回憶，在結束之時，點解我無資格去送別呢？

其實道理就係咁簡單，唔明點解啲人捉住一句「唔執笠唔去幫襯」就當成金句，以為自己好獨立思考。

還有，當某些食肆結業，大家都感不捨時，總有人說「這間店，食物質好差，抵執啦」，嘩！唔知以為講嗰個係「食神」嚟。最好笑有次，我哋講有間茶記蛋治只需10蚊，都有人話「咁貴」！為咗反駁，有啲人可以去得好盡！