又有另一位網友介紹我的新書，每次看到這些介紹，都是緊張又擔心，怕被批評得體無完膚（我好薄皮架），幸好，直至現在，一般的反應都很正面。
2005年12月03日 | Posted in: 隨心, 生活, 日記
呢排成日玩電腦，都冇乜睇到書。（對唔住，本「紅樓夢」已在櫃底）
早兩日去咗圖書管，睇吓有冇書睇。（大把啦，多到睇唔晒，呢 D 香港少有嘅 FREE SERVICE 大家都要用吓，唔好蝕底！）
比我見到呢本書，真係要睇吓佢有乜嘢講先。
記得我在大學時有一個 MODULE 叫「RESTAURANT INDUSTRY」。
考試題目其中一個 TOPIC 就係“McDonaldization”，但除了研究“麥記文化”，主要係研究佢 D “衰嘢”。
如佢 D “麥條”唔係用真 POTATO做；D 嘢就全世界都知“唔 suitable for human custom”extra。
見到呢本書，都要睇吓，高立（作者）帶大家去唔同地方嘅“麥記”。
其實去過其他地方嘅“麥記”嘅人都知，“麥記”係好“入鄉隨俗”。
但大家未必去過全世界嘅“麥記”，睇吓呢本書都幾有趣。
其中提到瑞士嘅“麥記”係全世界最貴嘅，呢個真係令我好有感觸。
想當年（甘幾歲就“想當年”，你就知我幾無聊）我剛剛到瑞士讀書，十幾歲，又乜都唔識；乜都唔熟。
見到“麥叔叔”真係好有親切感，但當時一個餐要成十蚊瑞士法朗（最平嘅餐，仲要唔包任何醬汁）。
當年香港仲係買緊十六個八咋（我肯定！）
當年如果我思鄉就會食“麥記”，因為“麥記”真係全世界嘅BIG MAC 都係一樣。但唔該唔好成日都“思”，因為真係好貴。
除此之外，呢本書都講咗好多係香港都唔多人知嘅嘢。
如自2000年，長洲的“麥記”在太平清醮：
『在佛誕期間只出售素食食品，莫說漢堡包，連雪糕新地及奶昔都欠奉。不過，這裏還供應無蛋熱香餅、烘鬆餅、果批。
麥當勞豈能無包，於是這間麥當勞特別設計了一款脆香素菇包（即是蘑菇包），全球只此一家，…』 （節錄於「跟着麥當勞去旅行」， 122頁）
你唔講都唔知。大家有冇 D 想試吓呢？
網址：http://lisasimpson.mocasting.com/?p=23974
