左丁山錯得離譜

香港人只看足球，對美國流行的棒球一知半解，本來不認識也沒問題，但有些人偏偏在扮專家，結果是貽笑大方。請看看左丁山在《蘋果日報》的一篇專欄：

「美國喜劇電視節目主持人 Jay Leno訪問奧巴馬夫人，問佢幾條問題，其中一條係：「總統先生鍾意有世界和平（ world peace）吖還是白襪隊（ White Sox）贏到世界系列賽？（ World Series，即美國棒球大聯盟冠軍爭霸戰）」總統夫人笑起嚟，等咗一秒先至講：「總統喜歡世界和平，但唔介意白襪隊贏 World Series。」 Leno幽佢一默：「世界和平更加容易達到！」奧巴馬係芝加哥白襪隊擁躉，可惜呢隊波有幾十年未入過季後決賽，想話贏大聯盟冠軍，難過阿富汗和平繁榮。
World Series已經開始，由上屆冠軍費城 Phillies與紐約洋基隊爭標，七場四勝，費城先贏第一場，應該好有睇頭。洋基隊一年嘅薪水支出高達二億美元，全美最高，比 Phillies高出八千八百萬美元，相當驚人。係唔係有錢佬大晒？在體育比賽嚟講，未必一定係，但費城在一百二十七年來只贏過兩次冠軍，而洋基隊已贏過二十六次，可見金錢係有威力嘅，用得其所，洋基隊內球星如雲；金錢用得失當呢，睇吓台灣就知道。台灣學人搞職棒，越搞越失落，竟然只剩番四隊參加職棒聯賽，仲爆出打假波醜聞㖭，前美國職棒大聯盟球員曹錦輝（ LA Dodges， Kansas City Royals）涉案，真係醜死鬼。 」（資料來源：蘋果日報）

本文作者一貫風趣，但風趣也要有事實根據，他說白襪隊幾十年未入過「季後決賽」，就錯到離晒大譜！的確，白襪隊很少能躋身季後賽，但肯定不是「幾十年未入過」，他們在2005年成功躋身世界大賽，最後更奪得冠軍！即是說，白襪贏大聯盟冠軍還是比阿富汗和平繁榮容易。

反而另一支芝加哥球隊小熊隊，上次拿世界大賽冠軍已是1908年，已有一百年沒拿過冠軍（不過也曾躋身季後賽）。

此外，文末講到曹錦輝，說他効力過洛杉磯道奇和肯薩斯城皇室，這當然不能算是錯，也偏偏漏了他初出道、効力時間最長的科羅拉多洛磯隊。他在洛磯隊擔任先發投手，而且一度贏得多次勝投，可惜後來因傷被放棄，他再先後投効道奇和皇室，但表現已無復當年勇矣！

這些資料，都可在網上找得到，左丁山大概為新亞周年紀念而忙得不可開交，所以連搜尋正確資料這些基本要求都懶得做了。