陳志新的奇怪邏輯

民建聯黨員陳志新有嘢講2011年07月08日

中大校友評議會選舉聽日就舉行，主席候選人之一陳志新噚日主動同八方講，唔係想隱瞞民建聯黨員身份，只係唔想藉此宣傳，亦都唔想將政治帶入評議會。
陳志新又剖白入黨因由，佢話八九民運之後，有心「做啲嘢」，同幾個老友加入民建聯，但之後無參與黨務，「我都係想低調，（民建聯）啲信寄嚟，我都放埋一邊冇理」。不過佢無意退黨，「人哋越講，我反而越唔想退」。被迫「出櫃」參選，陳志新話其實只要有心為中大，「乜黨都冇所謂」。
呢次評議會主席之爭，誰勝誰負冇乜懸念，但贏家肯定係新亞，因為陳志新與對手周澄都係「新亞人」，周澄父親亦是新亞英文系畢業，周澄話冇諗住靠爸爸拉票，「只係搵咗一、兩個爸爸嘅舊同學填委託書，主要都係搵新一代嘅票」。

以上是《蘋果日報》的報道，假如該報所寫的是事實，陳兄的邏輯看來有點奇怪。他說因為「八九民運」而想「做啲嘢」，但卻選擇加盟民建聯，這個選擇本身已令人奇怪（不知就裏的人大概以為他在搞Gag）。好了，即使退一萬步，覺得他選擇民建聯並沒有問題，但民建聯創立於92年，換言之，他想「做啲嘢」，想咗三年才正式付諸行動，「效率」也實在非常高。

好了，就當這是「深思熟慮」的行動，但既然他加盟民建聯是因為想「做啲嘢」，理應滿腔熱誠，但他加盟之後又不參與黨務，甚至連「（民建聯）啲信寄嚟，我都放埋一邊」，如此不投入，不是跟想「做啲嘢」的心態南轅北轍嗎？還是因為他只得三分鐘熱度？

那麼，這次他競選評議會主席，究竟是否真正想「做啲嘢」？會否到時又突然想低調一點呢，將任何文件都「放埋一邊」呢？

本人並非中大舊生，但看到中大將會有一位這樣的評議會主席，實在衷心祝賀該校的師生。